Felix P. Soriano: Pacalaglagipan

valedictorian2Idi pimmusay daydi cailian, Felix P. Soriano, idi Agosto 10, 2008, naisingasing ti panangirusat iti gunggona a mapanaganan iti “Felix P. Soriano Scholarship Awards” a tinawen a maited cadagiti agturpos a Valedictorian ken Salutatorian a mapili babaen ti written scholarship test manipud cadagiti tallo a campus ti Bangui National High School (a) Main Campus, (b) Banban Campus ken (c) Lanao Campus.  Cayatna a sawen a tinawento nga agsalisal dagiti Main Campus Valedictorian/Salutatorian Team, Banban Campus Valedictorian/Salutatorian Team, ken Lanao Campus Valedictorian/Salutatorian Team. Ti Valedictorian/Salutatorian Team a macagun-od iti cangatuan a pagtiponen a puntos iti maited nga Scholarship Test ti magunggunaan iti Felix P. Soriano Scholarship Awards, agraman medalla cas nailadawan ditoy.

salutatorian8Siaayat nga immannamong ni Jane P. Soriano, ingungoten daydi Felix, ket daytoy ti email na idi Aug. 23, 2008:  “I think this is such a wonderful idea!  I’m sure my husband will love it.  I am all for it and would be more than glad to assist in the next steps…”  Insingasing ni Jane ti panangaramid iti website maipapan iti scholarships ket daytoy ti bunga dayta a singasing:  http://ebangui.wordpress.com/.  Immannugot pay nga iti umuna a pannacaited ti gunggona, agawidto isuna diay Bangui tapno isunto mismo ti mangyawat cadagiti premio tapno maaddaanto met iti gundaway a mangipecsa cadagiti pamanunotanna maipanggep iti caipapanan ti Felix P. Soriano Scholarship Awards.

Segun ti caudian nga email ni Jane (Dec. 31, 2008), ti Valedictorian/Salutatorian Team ti Academic Year 2009-2010 a macagun-od iti cangatuan a puntos iti maited nga Scholarship Test, isunto ti umuna a mapagasatan a mapadayawan iti Felix P. Soriano Scholalship Awards.  Inlatac ni Jane:  “Mabalin siguro nga irugi  intonno 2010.  I don’t have any vacation left for this coming year.  Perhaps we should give cash as their incentives.  Addanton maurnong ko…”

Advertisements

2 Responses to “Felix P. Soriano: Pacalaglagipan

  1. jspadre Says:

    Tapno mapunas ti ania man a duadua maipanggep iti kinapudno ken kinaserioso ti Felix P. Soriano Scholarship Awards, nagatangmin dagitoy cappanday a Valedictorian ken Salutatorian Medals ket adda a nacadulin iti baulmi dagitoy agraman ti ribbon da nga agur-uray a maibitin iti tengnged dagiti mangabac a Bangui National High School honor students iti daytoy umay a 2010. Kinapudnona, dacdackel ti actual a medalla (2.5″) ngem ti ladawan iti ngato.

  2. Antonio E. Padre Says:

    what a nice program… would certainly encourage students to aim for this.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: