C. Rambaud
Maragsacan cami a mangipadamag nga addanton Internet edition ti Bannawag, ti cangrunaan a periodico dagiti Ilocano, segun ti naawat mi nga email ni Cles Rambaud, Associate Editor ti Bannawag, idi Enero 30, 2009:
“Dandanin agmata daydi arapaapmo nga adda koma met website ti Bannawag,” insurat ni Cles. “Uray dagiti kakabsat a magasin ti Bannawag, addanto metten websiteda. Inaprobaranen ti MB Management daytoy a kiddaw.”
Ti “arapaap” a dinacamat ni Editor Rambaud isu ti linaon ti impaskinco a blog entry a napauluan iti “Bannawag Website–An Open Letter” iti ilocano-samtoy.blogspot.com idi Feb. 22, 2007. Daytoy ti insuratco: “…itan adda pamuspusan tapno mataginayon ken madadaan nga ucagen dagiti pinanid ti Literatura Ilocana 24/7: isu dayta ti panangipablaac cadagitoy iti las-ud ti Internet. Mabalin nga ipablaac ti amin a sinurat, saan laeng a dagiti mapili wenno capintasan, tapno iti casta mausisa dagiti aggagar nga agusisa no casano ti panangparang-ay iti literatura tayo.” Insingasingco a mangipasdec ti Bannawag iti bucodna a website tapno maipablaac ditoy ti amin a sarita, novela, daniw, salaysay, ken dadduma pay.
Maysa cano laeng a simple a website cas pangrugian daytoy Internet edition ti Bannawag. Cadacami, dackel nga addang dayta agsipud ta lumawanto ti law-ang a masilnagan ti Bannawag. Bareng dumtengto met ti aldaw a mairaman iti Internet Edition ti archive dagiti napalpalabas nga isyu ti Bannawag, cas pagarigan mangrugi iti Nob. 3, 1934 issue (umuna a bilang). Maawatan mi a pangrugian laeng ti umay a simple nga Internet Edition ken maawatan mi met a saan a binangon ti ciudad ti Roma iti maymaysa laeng nga aldaw. Uray pay ni Apo Dios, innem nga aldaw nga… sa naginana iti maicapito…
Cas iti masansan a mabasa tayo iti ungto ti serialized a sinurat, PADAANAN TI SUMARUNO A PASET! Wenno, MAITULOYTO.
February 4, 2009 at 7:43 am
Tinacaw mi ti macasulisog nga accub ti Bannawag nga inusar mi ditoy iti dadapilan.com ni Roy V. Aragon. Yamanec unay, Roy.
March 8, 2010 at 5:20 pm
san koh poh bah pwedeng mabasa ang mga storya kasi po malayo po akoh…wala naman po akong pagbilhan ng magazine dito….
April 4, 2010 at 9:11 pm
nalaus met unay ti gagar ko a makakita manen iti magasine a nagsursuruak ken nangted iti adu a pannakaammo maipanggep iti pagsasao tau nga ilocano.
June 16, 2010 at 5:11 am
nagsayaat ti agsukimat kadagiti pagsasau tayo ti umammianan,manmanon dagiti saringet nga agbasbasa ti pagiwarnak.(ILOKANO)….. victor(barcelona, spain)
August 1, 2010 at 2:28 am
kasanuak nga makaipa2lod ti sarita online apo..tnx
August 19, 2010 at 10:45 am
Daydayawenmi nga Editor iti Bannawag. Nadlaw ko ti naisupsupadi nga pannakaisurat ti ilokano dita ngato. Apay kaano pay nga “c” ti usaren instead nga “K”? Naipaskin wenno naipaskel? …diak unay masurutan ti ilokanoyo Apo.
September 3, 2010 at 10:49 am
Patpatgen mi nga editor,mayatak met ti kinuna ti kabsat tayo nga Elmer Atianzar nga “K” ti manaynay nga usaren mi saan nga”C” ket uray pay no kasta ket mayat lattan basta la ketdi agkikinna-awatan tayo nga parsua ti ammianan.
Makidamag gak man Apo Editor no adda pay la tay GUMIL.
Ti ngamin naudi nga damag ko ket idi pay la 1997 segun ti pamilya Lazo iti Hawaii ken Manong Arsenio Cortez idiay Los Angeles California,nga Publisher/Editor iti Magazine nga Sirmata.
Dawat ko ket umado kuma pay dagitay agtutubo nga Ilokano nga agka-interest nga agsurat tapno kasta ket aglaylayon iti lengguahe tayo iti ammianan.
Timpuyog Ammianan!
October 2, 2010 at 12:56 am
Patpatgen mi nga Editor,
Kasta man la unay ti ayat ko nga nakakita iti daytoy a website, ngem casla man la nga kurang ti paset ti bannawag on-line ta awan met a mabasa daguiti nobela ken dadduma pay..
Timpuyog Amianan!!!
December 23, 2010 at 5:02 pm
Maysaak met kadagiti narway nga agbasbasa iti Bannawag.Maragsakanak unay nga makaammo nga katawenak gayam daytoy nga Pagiwarnak,Dios unay ti Agngina.
FPC,Sta, Cruz ,I Sur
December 23, 2010 at 5:05 pm
Kayat ko met ti agipatulod ti sarsarita wenno pinutar a daniw.Kasano kadi iti panagi-pablaak Apo.
March 17, 2011 at 12:31 am
nagasat nga aldawyo apo ed. pakaragsakak man a maamuan nga addanton website ti ipatpateg tayo unay nga bannawag. Kaniak a naisar-ong ditoy mindanao, ililiwek la unay ti bannawag. saakla makabasa nu makaawidak idiay abra kalpasan iti innem a bulan. itedyontoman ti proseso tapno maakses dayta nga site manong ed.
dumaydayaw,
jeff, Zamboanga del Sur
August 2, 2011 at 11:43 am
Naimbag nga oras apo Editor,
Maysaak kadagiti agbasbasa iti Bannawag, ngem sipud nagabrodak diaken makakitkita bannawag, ket mayat no adda online bannawag ta makabasa man da taon ti damdamag..
January 8, 2013 at 3:33 pm
You can certainly see your skills in the article you
write. The world hopes for even more passionate writers
like you who are not afraid to say how they believe.
Always go after your heart.